Алматыда Петроглифтер саябағы ашылады

Алматының Бас ботаникалық бағында Орталық Азиядағы тұңғыш “Арқалан” Петроглифтер саябағын құру жұмыстары жүргізілуде.

Саябақ “Петроглифтер аңшылары” қорының және ҚР ЭТРМ ОШЖДК “Ботаника және фитоинтродукция институты” РМК қызметкерлерінің бастамасымен құрылуда. Саябақтың тұжырымдамасын Зира Наурызбаева, Ольга Гумирова және Светлана Лизунова әзірлеген. Дендроплан Ботаника және фитоинтродукция институты ғалымдарының ұсынысы негізінде жасалған.

“Петроглифтер аңшылары” қоғамдық бірлестігінің атқарушы директоры әрі үйлестірушісі Ольга Гумирова айтқандай: “”Арқалан” Петроглифтер саябағы – әлемде теңдесі жоқ бірегей нысан. Онда қазақ суретшісі Санжар Жұбановтың интерпретациясындағы түркі петроглифтерінің көшірмелері мен түркі мифологиясын пайдаланатын заманауи өнер нысандарының галереясы ұсынылған. Жобаның мақсаты – Қазақстан тарихын насихаттау және сақтау”.

Саябақ Алматы қаласының Бас ботаникалық бағының оңтүстік-шығыс бөлігінде “Қазақстан” экспозициясының аумағында орналасады. Оның ауданы шамамен 2500 шаршы метрді құрайды. Мұнда Қазақстанның дала өсімдіктерінің топтамасы да қойылады.

Алматы қаласы Бас ботаникалық бақтың маркетинг және даму бөлімінің директоры Баян Қоспенбетова: “”Арқалан” Петроглифтер саябағы еліміздің тарихына тура мағынада әсер етудің бірегей мүмкіндігі ғана емес, сонымен қатар ғасырлар бойы ата-бабаларымыздың заманындағы өсімдіктер әлемін көруге мүмкіндік береді. Мұндай көрініске куә бола отырып, осының бәрін болашақ ұрпаққа қалай сақтау керектігі туралы еріксіз ойланасыз”.

“Арқалан” саябағының көркем нысандарының авторлары петроглифші Санжар Жұбанов пен мүсінші Саид Айнеков.

Санжар Жұбанов – қазақтың ежелгі ою өнерін таста жаңғыртқан атақты суретші. Оның туындылары көрнекті табиғи орындарда да, әртүрлі галереяларда да кездеседі. Ол тасқа сурет салу техникасын көрсетіп, былай деді: “Саябақтың петроглифтеріне Қазақстанның әртүрлі киелі жерлерінен арнайы таңдап алынған түркі дәуірінің шынайы суреттері негіз болды. Менің мақсатым – ата-бабамыздан бізге мұра болып қалған бейнелердің барлық сұлулығы мен әсемдігін замандастарыма көрсету”.

Саябақты құруға “Петроглифтер аңшылары” қоғамдық бірлестігінің еріктілері қатысуда. Олардың көмегімен Санжар саябаққа тастарды жеткізіп берді, бұл оның жұмысына негіз болды.

“Петроглифтер аңшылары” волонтеры, Бекен ата қорының атқарушы директоры Бекбол Нұрмұханбетов түсіндіргендей: “Қазір бүкіл әлемде ғылыми волонтерлік күшейіп келеді. Бұл арнайы білімі жоқ, бірақ оқу пәніне шын көңілмен қарайтын адамдар жүргізетін зерттеу әрекеті. Солардың арқасында көптеген тың жаңалықтар ашылып, тарихи орындар сақталып отыр”.

Саябақ қазақстандық кәсіпкер Нұрлан Жағыпаровтың қаржылық қолдауының арқасында құрылды.
“Арқалан” Петроглифтер саябағының ресми ашылуы 2024 жылға жоспарланған. Ашылғаннан кейін ол Алматы қаласының Бас ботаникалық бағына тегін беріледі.

Сұрақтар бойынша байланыстар:

+7 707 216 49 21, Сергей (Петроглифтер аңшылары)
+7 707 677 2878, Юрий (Петроглифтер аңшылары)
+7 701 755 3753 Баян (Ботаника және фитоинтродукция институты)